புரிதல்..!

பொம்மைகளின் பேச்சு எனக்குப் புரிவதில்லை ..

குழந்தைகள் புரிந்துகொள்கிறார்கள்.

அதனுடன் பேசுகிறார்கள்,

சாதம் ஊட்டுகிறார்கள்,

விளையாடுகிறார்கள் ...

நானும் பொம்மையின் பேச்சை புரிந்துகொள்ள

முயற்சித்து ஒவ்வொருமுறையும் தோற்றுப் போகிறேன் ...

பொம்மைகளின் பேச்சைக் கேட்க

குழந்தையாய் மாறி கேட்டுப் பார்த்தேன்

அப்போதும் புரியவில்லை ..

குழந்தைகள் பொம்மையுடன்

விளையாடும் போது உற்றுக் கவனித்தேன்,

அப்பொழுது ஒர் உண்மை விளங்கியது..

குழந்தைகள் பொம்மையுடன் பேசும் பொழுது

பொம்மையாக மாறுகிறார்கள் பேசுகிறார்கள்..

நான் மனிதனாக இருந்து

பொம்மைகளின் பேச்சைக் கேட்க முயற்சிகிறேன் தோற்கிறேன்..