சில கேள்விகள் ..

வாசம் ,

பூவின் இருப்பிடம் பிடிக்காமல்

காற்றுடன் ஓடிபோகிறதா ?

இல்லை ,

வழுக்கட்டாயமாக

காற்று பூவை திறந்து

வாசத்தைக் கவர்ந்து செல்கிறதா ?

கண்ணீர்,

கண்களை விட்டு வெளியே வந்து

தற்கொலை செய்துகொள்ள விரும்புகிறதா ?

இல்லை

பிறர் விரல் வந்து தன்னை

காப்பாற்றும் என்று விரும்பி குதிக்கிறதா ?

மழை ,

பூமியின் அழகைக் கண்டு

உருகும் மேகம் மழையாகிறதா ?

இல்லை

உலகின் நிலைக் கண்டு

அழும் மேகம் மழையாகிறதா ?

நிலவு ,

வானில் தவழ்கிறதா ?

இல்லை

மேகத்தில் மிதக்கிறதா ?