ஓட்டுரிமை

 

முதலையின் பற்களின் இடுக்குகளில்

மாமிசம் கொத்தி தின்கிறது பறவை

முதலை தரும் அனுமதி

நமது ஓட்டுரிமை

பறவையின் தேவை வேறு

முதலைக்குத் தேவை வேறு

விசும்பல்

காற்றின் திசையில் 

முரண்டு பிடித்தபடி 

இருக்கி கட்டி அணைத்து 

திரியை பிரிய மறுக்கிறது

தீபம் 

தீபம் நமதன்பு

காற்று நமதுறவு ...

உன்மை

 

இந்த உலகில்

அதிகமாக சொல்லப்படும்

பொய்களில் சில

"நன்றாக இருக்கிறேன்"

"கவலைப்படாதே, ஒன்றும் ஆகாது"

"நான் இருக்கிறேன்"

சில நேரம் 

பொய்கள் தான் நம்மை 

உண்மையாகவே வாழ வைக்கிறது ...