தரிசனம்

 

திருவிழா முடிந்த மறுநாள்

யாருமற்ற சந்நிதியில்

கடவுளைச் சந்திக்க

சென்றேன்

கூட்டம் அதிகம் என்பதால்

நேற்று இங்கு வரவில்லை

என்றேன்

நானும் தான்

என்றபடி

புன்னகைத்தார்

தியாகம்

தியாகம் என்பது என்ன 

நமக்கு நாமே செய்யும் 

துரோகம் தானே ...

நேசம்

 

அன்பு 

தண்ணீரைப் போல்

இறுகப் பற்றாமல்

கைகளில் ஏந்துங்கள்

வசப்படும்

ஓட்டுரிமை

 

முதலையின் பற்களின் இடுக்குகளில்

மாமிசம் கொத்தி தின்கிறது பறவை

முதலை தரும் அனுமதி

நமது ஓட்டுரிமை

பறவையின் தேவை வேறு

முதலைக்குத் தேவை வேறு

விசும்பல்

காற்றின் திசையில் 

முரண்டு பிடித்தபடி 

இருக்கி கட்டி அணைத்து 

திரியை பிரிய மறுக்கிறது

தீபம் 

தீபம் நமதன்பு

காற்று நமதுறவு ...

உன்மை

 

இந்த உலகில்

அதிகமாக சொல்லப்படும்

பொய்களில் சில

"நன்றாக இருக்கிறேன்"

"கவலைப்படாதே, ஒன்றும் ஆகாது"

"நான் இருக்கிறேன்"

சில நேரம் 

பொய்கள் தான் நம்மை 

உண்மையாகவே வாழ வைக்கிறது ...

அமைதி

உன்மையான அமைதி

கேட்கப் படாத மன்னிப்பை

பிறர்க்கு வழங்கும் போது

கிட்டுவது