ஆறுதல் ...

பற்றி எரிந்து கொண்டிருக்கும்

அந்த வீட்டின் கூரையிலிருந்து

தற்கால ஓவியம் போல

நெளிந்து வளைந்து

வெளிவருகிறது கரும்புகை ...

இரவைச் சூழ்ந்திருக்கும்

இந்த இருட்டை விரட்டி விட்டபடி ,

அந்த வீட்டுக் குடும்பத்தை

மேலும் இருளில் தள்ளி விடுகிறது ..

ஒரு குடும்பத்தின் ஜீவனை

எரித்துக்கொண்டிருக்கும் அத்தீ ,

அந்தக் குடும்பத்தின் கண்ணீரால்

அனையுமெனத் தோன்றவில்லை ...

"உதவி செய்ய யாரேனும்

நிச்சயம் வருவார்கள் " என

அவர்களுக்கு ஆறுதலை

என் மனதிற்குள் சொல்லிக்கொண்டு ,

நாளிதழில் கடந்து போகும்

செய்தி போல் ,

நேரில் கண்ட இதை

கடந்து போய்க்கொண்டிருக்கிறேன் ....