அம்மாவின் வயிற்றுத் தழும்புகளில்
அன்பின் ஆதி எழுத்துரு
காயம் மீது ஆற்றப்படும் களிம்பு
அன்பின் பொய்கள்
குழந்தைகள் தனக்குத் தானே
செய்து கொள்ளும் சமாதானம்
துரோகத்திற்கு அன்பு செய்யும்
அதிகபட்ச எதிர்வினை
வேண்டுதலற்ற கடவுள் தரிசனம்
பிரதிபலனற்ற அன்பின் பிரார்த்தனை
பிறந்த சிசுவின் கண்ணீர்
அன்பின் அழுகை
நிரம்பிய அனையில்
விடாது பெய்யும் மழை
அன்பின் கோபம்
நினைவில் வெளிச்சம் பாய்ச்சும்
மின்மினிப் பூச்சி
அன்பின் புன்னகை
அன்பின் மொழி
பிரபஞ்சம் கடக்க உதவும் ஒளி
