மயக்கம் ..!

இறுதிக்கு ஒரு முடிவு காத்திருந்தது
மருந்து வாசத்தைச் சுவாசித்த சுவர்கள்

இனி நிம்மதிப் பெருமூச்சு விடலாம்

என் தண்ணீரிலிருந்து வந்த சொத்து

கண்ணீரோடு கரைந்திருக்க ,
தன் மீதியை விட்டுச் செல்ல முடியாமல்

கண்ணீர் வற்றி என் பாதி அழுதிருக்க

காட்சியின் பாரம் சுமந்து ,
உணர்ச்சியின் ஈரம் சுமந்தக் கண்கள்

கேட்டது விருப்ப ஓய்வு

ஆனால் மனமோ ஏதோ ஒன்றைத் 

தேடிக் கொண்டிருக்கிறது இறுதியாக
கடற்கரை மணலில் 

ஒரு கால் தடம் தேடும் மழலையாக
அது ஏதோ ஒன்று உறுதியாக

அப்போது முற்றாக விழிகள் மூடும் நேரம்
கண்களுக்குள் நாற்றாக வந்தது 

அவள் அழகிய பூமுகம்  
மூடிய விழிகள் திறக்கவே இல்லை
அவள் அழகைக் கண்டு மயங்கி ..