மிருகங்கள் ஜாக்கிரதை ...

வயிரின் பசித் தீர்க்க

உடலை வேட்டையாடும் மிருகங்கள்

காட்டில் உண்டு ..

காமப்பசித் தீர்க்க

உடல் வேட்டையாடும் மனித - மிருகங்கள்

இங்கு நாட்டில் உண்டு ..

மது உண்டு - மதி கெட்டு

குடி உண்டு - குடி கெட்டு

விழியிருந்தும் குருடாகி

போலியாய் முரடாகி

காமப் பசித் தீர்க்க

வேட்டையாடப் போகிறது மனித மிருகம் ..

பெண்பால் வேட்டையாடும்

மிருகம் மறந்து போனது

தான் தாய்பால் ருசித்தது

ஒரு பெண்பாலிடம் என்று ..

கருவில் இருந்தாள்

-சிசுவை அழித்தீர் ..

குழந்தையைக் கூட ,

ருசிக்குப் புசிக்க நினைத்தீர் ..

ஏனோ பெண்ணை மட்டும்

கருவறை முதல் பிணவறை வரை

நிம்மதியாய் விட்டு வைக்கவில்லை ...