அன்பின் சுவை பழகிய மனம்,
அது வளர்ப்புப் பிராணியின் நாக்கு
அதன் கனவெல்லாம் தன் எஜமானை வருடி விடுவது
அது கடல் அலை
அது செய்வதெல்லாம் விடாமல் ஏதோ ஒன்றைத் தேடுவது
அது மானின் வாய்
அது வேண்டுவதெல்லாம் எப்போதும் அசைபோட ஏதோ ஒன்று
அது மீனின் கண்கள்
அதன் ஆசையெல்லாம் இமைகளற்று எப்போதும் பார்த்திருப்பது
அது நிறைக்க முடியா கிணறு
அதன் தேவையெல்லாம் உள்ளூற ஏற்பது
அது கங்காருவின் மடிப்பை
அதன் வேலையெல்லாம் பாரம் சுமப்பது
அது சிசுவின் பசி
அதற்குப் பார்ப்பதெல்லாம் பால் சுரக்கும் காம்பு ..
No comments:
Post a Comment