காற்றுக்கும் ஒரு பெண்மையுண்டு ..!

காற்றுக்கும் ஒரு பெண்மையுண்டு,

ஒவ்வொரு பெண்ணிடமும் காற்றின் தன்மையுண்டு ..

பெண்மை ..

நீக்கமற நிறைந்த தெய்வத்தின் வடிவம் என்றால் ,

நீக்கமற நிறைந்த காற்றே ,

நீயும் பெண்தான் ..

பெண்ணே ,

சிரித்துப் பேசி வந்தாய் ..

காற்றே

தென்றலாய் வீசி வந்தாய் ..

பெண்ணே ..

நீ படி தாண்டினால் வீடு தாங்காது ..

காற்றே ..

நீ புயலாய் மாறினால் நாடு தாங்காது ..

பெண்ணே ..

நீ மாலையிட்ட மணாளன் நின்றிருப்பான் ,

நீ சொன்னபடி எல்லாம் ஆடியிருப்பான் ..

காற்றே ,

நீ மாலையிட்ட மரமும் நின்றிருக்கும் ,

நீ சொன்னபடி எல்லாம் ஆடியிருக்கும் ..

பெண்ணே ..

ஓர் உயிரின் பிறப்பு பெண்ணிலிருந்து ..

காற்றே ..

ஒரு பூவின் பிறப்பு உன்னிலிருந்து ..

காற்றே ..

நிலவாவது அவள் முகம் காட்டினால் ..

நீ மட்டும் ஏன் வானத்தின் பின் ஒளிந்துகொண்டு ,

உன் இருப்பை மட்டும் உணரவைக்கிறாய் ?

நீ நிலவை விட அவ்வளவு அழகா ?

உன் முகத்தை மட்டும் காட்டினாலே

மானுடம் காதலில் சாகுமென மறைந்திருக்கிறாயோ??